好戲在後頭

一如以往，今朝媽媽响餵奶前幫我換尿片。媽媽响換尿片時，已經用布遮住我嘅磨菇，以防我亂鎗掃射。佢其實已經好醒，但係佢冇諗到我梅開二度。响佢完全冇悈備之下，我又再一次突破佢嘅所謂防線，成功整濕我張ＢＢ床上大部分嘅嘢。攪到媽媽十分狼狽。

响下晝嘅時候，媽媽不知死活，又再嘗試同我換片。佢聽到我放屁之後，就唔理我，走去睇電視。過幾分鐘後先理我。佢唔知我响去行開嗰段時間，我係咁忍，忍到換咗塊新片先至疴。激到媽媽紮紮跳。正當媽媽攞過另外一塊片時，我又再疴。我驚媽媽鬧，所以我就扮到一臉無知，等佢唔知鬧好定唔鬧好。