Dirty Job

做我哋ＢＢ其中最嘆嘅一件事就係鐘意幾時疴就幾時疴，係唔需要理會幾時、响邊度、同有乜人响附近。事後仲有專人同你收拾殘局。一諗到呢點就連訓梗覺都會偷偷地笑出嚟。

但係有位仁兄可能佢唔係好enjoy換片，佢居然嘗試教我換片。佢抱起我，同我講：「亞Ｂ呀，宜家爸爸同你換片。我會解釋啲步驟比你聽。嗱，我宜家做一次比你睇。到下次你就要自己換喇！」

爸爸，你當我蠢嘅咩！如果我學識咗，我以後咪要自己嚟囉！呢啲咁厭惡性嘅工作，梗係你做好過我做啦！所以我成個過程扮傻，等你冇我符。