人唔傷心就唔會流眼淚！

我要食奶！

Clone手Clone腳

呢個Victoria long weekend爸爸媽媽拎咗樣新玩意同我玩。呢個小玩意叫做倒石膏模。其實呢個石膏模係達叔叔買比我嘅出世禮物。






玩法十分簡單：

1) 首先將第一包嘅類似泥膠狀嘅物體係咁搓。搓到好似以下張相咁。



2)跟住將我嘅手掌或者腳板壓落舊膠。



3) 之後將第二包粉以２比１嘅比例加水，攪混至糊狀。

4) 再將溝好嘅糊狀物體倒入先前用手或腳印嘅膠模度。


5)等大約30分鐘，石膏模凝固之後將完成品同膠模分開。


6) 大功告成。

伊麵

今日同爸爸媽媽食完晏之後，媽媽打俾婆婆話攞啲嘢比佢。以下就係談話內容：

媽媽：「你哋响邊度呀？我哋過嚟拎啲嘢比你。」
婆婆：「我哋飲梗茶。過嚟一齊食啦！」
媽媽：「唔啦！我哋靜係過嚟比啲嘢你。」
婆婆：「我哋叫咗伊麵，食唔哂。你哋一齊嚟食。」
媽媽：「唔洗啦！我哋食咗啦！」
婆婆：「伶比Stanley食啦！」
媽媽：「唔洗啦！佢都食咗！」
婆婆：「咁ＢＢ呢！」
媽媽：「.........」

冲涼

洗頭


冲身

病倒了

我剛剛兩個月大，要打預防針。
今日媽媽帶我去醫生到打咗兩支針同一支口服劑。打針嗰陣媽媽以為我會嘈到拆天，但我只係叫咗兩嘢，我大個仔喇，好勇敢架！
返到屋企媽媽驚我會發燒，已經keep住量度數。夜晚我開始蘊蘊戥戥，成晚好靜，爸爸媽媽開支奶我飲，我都冇咸，照飲，仲飲晒成支！平時唔洗旨意我會飲，我會嘈生晒！媽媽抱起我再飲人奶嗰陣發覺我個身好興，一度之下，發覺我已經燒到成一百度。爸爸媽媽好擔心，已經預咗成晚冇覺好瞓，好彩食咗藥之後即刻退燒。呢次就係我第一次發燒！

抽象畫

我最新嘅傑作 ！

Afternoon Play On Mother's Day

Dirty Job

做我哋ＢＢ其中最嘆嘅一件事就係鐘意幾時疴就幾時疴，係唔需要理會幾時、响邊度、同有乜人响附近。事後仲有專人同你收拾殘局。一諗到呢點就連訓梗覺都會偷偷地笑出嚟。

但係有位仁兄可能佢唔係好enjoy換片，佢居然嘗試教我換片。佢抱起我，同我講：「亞Ｂ呀，宜家爸爸同你換片。我會解釋啲步驟比你聽。嗱，我宜家做一次比你睇。到下次你就要自己換喇！」

爸爸，你當我蠢嘅咩！如果我學識咗，我以後咪要自己嚟囉！呢啲咁厭惡性嘅工作，梗係你做好過我做啦！所以我成個過程扮傻，等你冇我符。

我啲朋友仔

佢哋就係平時陪我玩啲朋友

好戲在後頭

一如以往，今朝媽媽响餵奶前幫我換尿片。媽媽响換尿片時，已經用布遮住我嘅磨菇，以防我亂鎗掃射。佢其實已經好醒，但係佢冇諗到我梅開二度。响佢完全冇悈備之下，我又再一次突破佢嘅所謂防線，成功整濕我張ＢＢ床上大部分嘅嘢。攪到媽媽十分狼狽。

响下晝嘅時候，媽媽不知死活，又再嘗試同我換片。佢聽到我放屁之後，就唔理我，走去睇電視。過幾分鐘後先理我。佢唔知我响去行開嗰段時間，我係咁忍，忍到換咗塊新片先至疴。激到媽媽紮紮跳。正當媽媽攞過另外一塊片時，我又再疴。我驚媽媽鬧，所以我就扮到一臉無知，等佢唔知鬧好定唔鬧好。

成晚轉身

我呢幾晚都同爸爸媽媽訓, 平時都係訓响佢哋中間冇乜特別。不過今次發覺自己起身既時候○個身轉佐90度角。嚇親爸爸媽媽，結果爸爸成晚都好醒訓睇吓我有冇異樣。仲有呀，其實我都覺得訓响佢地中間都有時幾危險。有一次我訓訓吓時發覺自己個頭比張被蓋過頭。好彩爸爸醒醒地見到幫我解圍。如果唔係第二朝我就响Hospital寫blog啦！